Sou nou

Sant Etid Migrasyon Entènasyonal (SEMI) sila a te fonde nan  lane 1996 sou inisyativ pwofesè Depatman Antwopoloji, Depatman Sosyoloji ak Depatman Istwa nan Enstiti Filozofi ak Syans Moun nan Inivèsite Leta Campinas. Objektif Sant sila se fè etid konparatif sou migrasyon entènasyonal. Nan 2 premye deseni egzistans Sant sila, gras ak yon gwo rezo kolaborasyon ant inivèsite ak sant rechèch nan Brezil epi aletranje, nan yon pèspektiv entèdisiplinè, SEMI eksplore liy rechèch saa yo: Nasyon ak Dyaspora; Fwontyè ak fliks entènasyonal; Mobilite ak RezoTransoseyanik yo; Espas ak Pouvwa; Modènite, Dwa ak Entèraksyon Demokratik.

Kounye a, SEMI reyini chèchè (ki gen ladan yo pwofesè ak etidyan) nan plizyè chan de konesans (Antwopoloji, Istwa, Sosyoloji, Kritik Literè, Atizay), epi ki gen lyen avèk yon kokenchenn inite rechèch nan Unicamp ak lòt enstitisyon nan Brezil epi aletranje. Aktivite rechèch yo òganize alantou liy sa yo:

1.Deplasman (Migratwa)

2.Fwontyè ak kriz

3.Sekirite ak Krim transnasyonal

Depi lontan, sa ki karakterize SEMI se fè rechèch nan diferan kontèks nasyonal. Aktyèlman, nou gen rechèch kap fèt nan peyi sa yo: Lafrik di sid, Angola, Ajantin, Bosni ak Erzegovin, Brezil, Gine-Bisao, Ayiti, peyi Zend (Goa), Itali, Izrayèl, Mozanbik, Namibi, Palestin, Repiblik Demokratik Kongo, Repiblik Dominikèn, Repiblik Tchekoslovaki, Senegal, Tanzani, Timò Oryantal, Sèbi ak Zimbabwe.